Գլաուկոմա
Հիվանդություն մասին
Գլաուկոման աչքի հիվանդությունների խումբ է, որը վնասում է տեսողական նյարդը, որը տեսողական տեղեկատվություն է փոխանցում աչքից գլխուուղեղ: Բուժում չստանալու դեպքում այս խնդիրը կարող է հանգեցնել տեսողության կորստի և նույնիսկ կուրության:
Ներակնային ճնշման բարձրացումը (աչքի ներսում ճնշումը) գլաուկոմայի զարգացման հիմնական ռիսկի գործոնն է, սակայն ոչ բոլոր ներակնային բարձր ճնշում ունեցող մարդկանց մոտ է այս խնդիրն ի հայտ գալիս: Այլ գործոններից են ժառանգականությունը, տարիքը, ռասան և որոշ ուղեկցող հիվանդություններ, որոնցից են շաքարախտը և արյան բարձր ճնշումը:
Ի՞նչ ախտանշաններ ունի
Գլաուկոմայի ամենատարածված տեսակը կոչվում է բաց անկյունային գլաուկոմա, որը դանդաղ է զարգանում և սովորաբար նկատելի ախտանիշներ չի ունենում մինչև տեսողության զգալի կորուստը: Գլաուկոմայի մյուս տեսակներից են փակ անկյունով գլաուկոման, որը մեծամասամբ արագ է զարգանում և ուղեկցվում է ախտանիշների առկայությամբ, որոնցից են աչքի սաստիկ ցավերը, սրտխառնոցը, փսխումը, և նորմալ ներակնային ճնշման գլաուկոմա , որն առաջանում է, երբ տեսողական նյարդը վնասվում է, չնայած աչքի ներսում նորմալ ներակնային ճնշմանը:
Ի՞նչ բուժումներ ունի
Գլաուկոմայի բուժումը սովորաբար ներառում է ներակնային ճնշման իջեցում դեղորայքի, լազերային պրոցեդուրաների կամ վիրահատության միջոցով: Աչքի կանոնավոր հետազոտությունները կարևոր են գլաուկոմայի հայտնաբերման և կառավարման համար, քանի որ վաղ ախտորոշումը և բուժումը կարող են օգնել պահպանել տեսողությունը և կանխել տեսողական նյարդի հետագա վնասումը:
