«ԳԱՊԷՔՍ» ակնաբույժական կենտրոնն առաջարկում է բուժառուներին առաջնային և երկրորդային խորհրդատվուտյուն, որոնք ներառում են հետևյալ ախտորոշիչ հետազոտությունները. Տեսողության սրության որոշում, բիոմիկրոսկոպիա, օֆթալմոսկոպիա, ավտոռեֆրակտոմետրիա, ոչ կոնտակտային ներակնային ճնշման չափում: Երկրորդային խորհրդատվությունը նշանակվում է բժշկի ցուցումով: Բբի լայնացման մեթոդը թույլ է տալիս հետազոտել ինչպես աչքի խորանիստ շերտերը, այնպես էլ տեսողական նյարդը՝ լիարժեք ախտորոշում և հետագա բուժման ստացման համար: Խորհուրդ է տրվում առնվազն երկու տարին մեկ այցելել ակնաբույժի՝ հետագա բարդություններից խուսափելու և դրանք կանխարգելելու նպատակով:

«ԳԱՊԷՔՍ» ակնաբուժական կենտրոնն առաջարկում է մի շարք ակնաբուժական միջամտտություններ, որոնք կկանխարգելեն աչքի հիվանդությունների հետագա զարգացումը կանխարգելելու նպատակով: Դրանց թվում են anti-VEGF, Avastin, Visque դեղորայքների ներակնային ներարկումները, եղջրաթաղանթից օտար մասնիկների հեռացումը, արցունքատար ուղիների լվացումը և զոնդավորումը, կոպերի մերսումը: Միջամտությունները, անհրաժեշտության դեպքում, նշանակվում են բուժող բժշկի կողմից՝ լիարժեք հետազոտության և վերջնական ախտորոշման տվյալների հիման վրա: Կատարվում են նաև վիրահատական միջամտություններ, որոնց վերաբերյալ հավելյալ տեղեկություն կարող եք ստանալ «Բուժում» բաժնում:

«ԳԱՊԷՔՍ» ակնաբուժական կենտրոնը, կախված հիվանդության տեսակից, առաջարկում է հիվանդությունների ինչպես դեղորայքային, այնպես էլ վիրահատական բուժում: Բորբոքային հիվանդությունների դեպքում, ինչպիսիք են կերատիտը և ուվեիտը, կատարվում է դեղորայքային բուժում: Աչքի ավելի բարդ ընթացք ունեցող հիվանդությունների դեպքում, ինչպիսիք են կատարակտը, գլաուկոման, շլությունը, պտոզը, պտերիգիումը և կիստաները, կատարվում է վիրահատական միջամտություն: Կատարակտի հիմնական բուժման եղանակը ֆակոէմուլսիֆիկացիան է, որի ժամանակ աչքի բնական պղտորված ոսպնյակը փոխարինվում է արհեստական ոսպնյակով: ՀԻվանդությունների մասին ավելի մանրամասն տեղեկություններ կարող եք գտնել «Հիվանդություններ» բաժնում: Գնացուցակերին ծանոթանալու համար կապ հաստատեք մեզ հետ էլ. փոստի կամ զանգի միջոցով: